Xente

A través dos retratos coñecemos o noso pasado. As fotografías sempre foron para gardar un momento no recordo, e aquí recóllense esas fotografías un pouco máis persoais dos nosos/as devanceiros/as.

Pepa Suárez Casal de Calvo e tamén de Carballeira. Unha sadense en New York

Pepa Suárez Casal de Calvo e tamén de Carballeira. Unha sadense en New York

New York, data descoñecida

Josefa Suárez (Pepa de Calvo para todos os galegos, que en aqueles tempos da posguerra, chegaron a New York) marchou a facer as Américas moi nova. Era a maior dos sete fillos do matrimonio de Modesto Suárez e Josefa Casal de Sada. Despois de moito traballar puxo unha fonda na cal acollía ao que pagaba e a quen non tiña nada, sempre co mismo trato da boa persona que ela era. Se facía falta, agardaba ata que as persoas atopaban un traballo e se situaban para cobrar. Dese xeito fíxose moi respetada e querida por aquela xente, paisanos ou non. Da súa terra e dos seus nunca se esqueceu, pois no barco Marqués de Comillas mandou sacos e sacos de roupa nova ou case nova que os americanos non poñían coa que aquí se vestiron moitas familias. Tamén, como sempre, había quen facía negocio con esta roupa que mandaban, ata que tamén chegou a hora en que aquí xa sobrou de todo. De vez en cando sería bo volver a vista atrás e ter unha cura de humildade, por se as cousas se repetiran.

Josefa tivo catro nenos e unha nena, a cal era coñecida por todo o mundo como A Nena. Eu só coñezo o nome do segundo fillo pola esquerda, Michael. Agradeceriamos calquera información extra que se achegue. Con este retrato de familia de Pepa, co seu primeiro marido e fillos, vaia a miña homenaxe desde a Memoria a todas as mulleres que, como ela, non se quedaron na sombra e marcharon da súa terra plantándolle cara ao mundo.

envíanos información da foto

Máis imaxes

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).