Festas e lecer
As festas de agosto, a sardiñada, o baile na Terraza ou o globo era o tempo de esparcemento en Sada. Aquí recóllense todos eses momentos que deixaba o traballo para o lecer: merendas, troula, bailes e outras festas.
Os calcetíns, un costume e tamén unha moda
Avenida da Mariña, 1951
Era costume hai 60 anos: as nenas e non tan nenas, como se ve no retrato, andábamos de calcetíns ata os 13 ou 14 anos, cando se pasaba a poñer medias. Era un paso importante na vida dunha rapaza. Aínda que pareza mentira era como pasar de nena a muller.
As tres amigas da foto son, comezando pola esquerda, Florita Ramos, Pachita López e Maruja Padín. Sorrín camiño da misa, coa alegría que dá a xuventude e pensando xa na noite, para ir bailar á praza de San Roque. A primeira segue no noso recordo e as outras dúas en calquer momento encontrámolas nas rúas de Sada.
Máis imaxes
Pertence á(s) colección(s): De paseo de ganchete