
Nas escolas rurais transcurriu unha parte importante da nosa infancia. Estas fotos amósannos ós nenos e mailos mestres no seu labor de ensinar. Logo, os máis afortunados continuaban a súa formación no instituto ou no seminario.
Sada, 1954
O recordo que teño desta profesora é o dunha muller tan boa que nunca levantaba a voz, nin para reñirche, e menos, como era costume naquel tempo, pegarche. Aprendíache a ler, a escribir, os números e tamén a bordar, sobre todo punto de cruz. Hoxe diríase que era unha todoterreo do ensino. A foto está quitada na esquina da rúa do Río coa primeira travesía da obra, onde despois se puxo a primeira dicoteca de Sada: Chivas (hoxe cafetería Clásico).